13-March-2017

Aaj ham logo ka holi hai, to main subah uth kar pahle to fresh hokar naha liya. Fir, mummy 5 pua banayi jo ki puja me lagega. Uske bad papa aur mummy puja ki taiyari kar rahe the aur main unlogo ki help kar raha tha. Puja ho jane k bad papa aur mummy dono ab pua, pakore puri etc… k liye taiyari karne lage. Main bhi unki help kar raha tha. Mujhe rang khelne ka koi jyada sokh nahi hai, isliye main ghar par hi tha. Khana bante-bante 2:30 baj gaye. Uske bad maa mujhe khana khane k liye boli. To main bola ki thori der bad khata hu. Uske bad main socha ki av tak Soma ka call q nahi aya, sayad wo busy hogi. To main khud hi usko call kiya 2:49 me. Lekin uska no band aa raha tha. To uske bad main khana khane lag gaya. Khana khane k bad main dubara Soma ko 4 baje call kiya. Lekin ab bhi uska no band hi tha. Main usko fir se 4:15 me call kiya, lekin ab bhi wahi halt ha. Main ab sochne laga ki aise to Soma roj ya to 2 baje ya fir 4 baje mujhe call kar leti hai, to fir aj kya hua. Is wajah se main fir se usko sam ko 5:05 me call kiya. Lekin ab bhi uska no band hi tha. Fir main socha ki ho sakta hai ki dukan me busy hogi. To main socha ki ab to rat ko hi bat ho payegi. Uske bad main apne kamo me busy ho gaya. Sam ko Papa, Mummy aur Chacha ko abir diya. Aur fir papa aur mummy k aadhar card ko online thik karne lag gaya. Isi bich 7 ek call aya. Mujhe laga ki Soma ka call hoga, lekin ye Anjani ka call tha. Main usse 27 minute bat kiya. Uske bad meri tabiyat kuch thik nahi lag rahi thi. To main baitha hua tha. Maa ne bola ki khana kha lo, lekin main bola ki meri tabiyat thik nahi hai. Aap log kha lo, main bad me kha lunga. Uske bad main wait karta raha, lekin meri khane ki icha nahi hui. Aur mujhe thand bhi lag rahi thi. To main maa ko bola ki main ja raha hu sone, khane ka man nahi kar raha hai. Isliye kal kha lunga. To maa ne bola ki thik hai. Uske bad sone se pahle ek bar dubara se main 9:27 me Soma ko call kiya. Lekin ab bhi uska no band hi tha. Uske bad main main apne mobile ko silent kar k so gaya, taki call aye bhi to kisi ko pata na chale. Lekin meri nind 1 ghante me hi khul gayi. Nind khulte hi main sabse pahle apna mobile dekha ki kahi Soma ka koi call to nahi aya. Lekin uska koi call nahi aya tha. Us samay 10:30 baj tahe the. Fir jab main soya to meri nind dubara 11:10 me khul gayi. Us samay bhi Soma ka koi call nahi aya tha. Uske bad meri nind 12 baje khul gayi. Lekin us samay bhi koi call nahi aya tha. Uske bad last meri nind 12:30 me khuli, lekin ab bhi koi call nahi aya tha. Main jab bhi sota hu, to meri nind direct subah hi khulti hai. Lekin aisa pahli bar ho raha tha ki meri nind aj 4 bar khuli thi. Lekin jab 12:30 baje bhi koi call nahi aya to main samajh gaya ki ab koi call nahi ayega. Aur jab uske bad main soya to direct subah hi nind khuli. Lekin pata nahi q mujhe kafi dukh ho raha tha. Qki 18 feb se lekar 12 Mar tak hamlog daily bat karte rahe. Sirf aj aisa pahla din hai jab main usse bina bat kiye so raha hu. Kher, ab kal dekhte hai ki usse bat ho pati hai ya nahi.