23-January-2017

Aaj subah 4:30 bje uthte hi sabse pahle yaad aya ki Anjani ka koi msg aya h ya nh. To uska 8 msg aya jo ki mujhe 4:12 me ki thi. Msg me likhi thi ki are mera aankh lag gya tha nh to msg ka reply q nh karti main. Aur aap etna sorry q bole mujhe samajh me nh aya. Aur hm q torenge dosti apse. Aur aaj mere sir me bahut dard tha isliye sayad thik se bat v nh kiye honge, lekin sach me dard k karan hm aankh band karke so gye the. Aur hm mobile khud se dur rakhe the aur mera mobile silent rahta h yaar. Pls bura mt mano, hm jankar q karenge. Aur hm apko apna dost banaye h end of life tak. Lekin friendship torne ki bat aap bar-bar q karte ho. Thik h agar nh chahte h rakhna to hm v call ya msg nh karenge. Soche the ki aap hamara sath doge, lekin aap hme smjhne k bajay hme blem kar diye. Lekin mere sir me dard tha aur hm pain killer kha k so gye the. Aur hm kya bole ki hmlog to friend rahenge, lekin jitna bat karte h utna nh karenge. Hm khe ki hafte me ek call karenge, lekin din fix nh h. Aur hm call karne se phle ek msg kar dete apko. Thik h hamare karan apko bahut taklif hua na, ab s nh hoga. Aap jo bole wahi karenge. Na aap call ya msg karna na hm karenge. Lekin aapko taklif hm jaan bujh kar nh diye, hm so gye the yaar. Thik h ab aap v apna dhyan rakhna, aur jo v bat hm kiye h ya bole h, use dimaag se nikal dena. Apki life h, jo sahi lage wo karna. Aur aap jise pasand karte ho wo apko jarur mile. Good day and always tack care. Ye sab msg jab aya tha to main soya hua tha aur iske sath ek aur msg ye v aya tha ki pta h, hamara bf v hamse naraz h. Uska 2 bar call receive kiye lekin bat nh kiye. Aur wo kafi samay tak line me raha tha. Usne ek msg kar diya h ki tere pas time hi nh h kisi k liye. Jb hm bt nh karte h aur wo line me rahta h to kafi naraz ho jata h. Khai aap apna dhyan hamesa rakhna. Ye sv msg padh k main to socha ki gayi meri dosti to main usko 4:30 me hi neend se uth kar sabse pahle usko reply karna suru kar diye. Main usko msg kiya ki nh-nh aap mera dil nh dukhaye h. Aur ab kv v dosti torne ki bat nh karunga. Pls av aap dosti mat toro mujhse. Main usko bar-bar msg kar raha tha ki mujhe batao ki mujhe maf ki ya nh aur hamari dosti safe h ya nh. Fir main bola ki Anjani jaldi se bata ki hamari dosti safe h ya nh. Warna mujhe office man nh lagega. Lekin uska reply nh aya, sayad ghar k kamo me busy hogi. To main fir se usko msg kiya ki mujhe pata h ki tum bahut busy hogi lekin sirf ek reply kar do ki mujhe maf ki ya nh. Main ab kv aisa nh bolunga. Dekho Anjani, tum to kahti ho ki apni sari bate main apne gf se sare karu. Lekin ye possible nh h. Qki gf kv best friend nh hoti h. Mujhe apse bate sare karna acha lagta h. Isliye karta hu. Main kl gusse me jo v apko bola pls use bhul jao. Aap kuch v saja de do lekin pls dosti mat toro. Ab jaldi se batao ki hamari dosti safe h ya nh. Agar nh bataogi to office v nh jaunga. Qki office me man hi nh lagega to jakar kya fayda. To uska reply aya ki Ha, jao office. To main bola ki iska mtlb ki tumne mujhe maf kar diya. To wo boli ki dosti me samjhaya jata h maaf nh kiya jata. Samjhe Dipu. Aur ha good morning and tack care. Main usko thank you bola qki wo mujhse dosti nh tori. Main usko ye v bola ki ab se no call no sms. Jb tumhara call ayega tv bat karenge. Lekin hafte me ek bar kafi jyada time nikal kar call karna. Qki ab tum meri dosti ki wo part ho jisse bat kiye bina man nh lagta h. Sayad ab tum meri best friend ki jaisi ho. Kher ab tumhari aim ka sawal h to hafte me ek call chalega. Bye. To uska reply aya ki Thank you hame samjhne k liye. Aur tum v mere ache dost ho. Apna dhyan rakhna. Hm tumse dosti nh torenge. Kv nh. Hm tumhe call jarur karenge aur tum v apne aim par dhyan dena. Tack care. Uske bad main office chala gya. Office me aaj main dusri jagah baitha jaha santi h. Lekin hamesa ki tarah Sanchita ko sath me lekar baitha. Lekin aaj pata nh sab ulta q ho raha h. Call lene k kuch der bad hi lagbhag 8:30 bje Sanchita ko uska TL bola ki kahi aur baitho aur usko waha se utha diya. Sayad main kl uska TL ka bat nh mana aur OT nh kiya sath me usne mujhe kl dekh liya tha ki main Sanchita k liye office me kafi time wait kiya fir bahar v wait kiya. Aur ye bat uske TL ne notice kar li. Kher, ab akele call lene me acha nh lag raha tha. Kisi tarah se rat k 8 bje. Main aur Sanchita sath me nikale. Nikal k dekhta hu ki Anjani ka missed call aya h. To main usko msg kiya ki sorry main office me tha isliye call receive nh kar paya. Kuch km tha kya. Av call kar lo. To uska reply aya ki av call nh kar sakte h. Kya tum bat kiye us larki se. Maine kaha ki ha bat ko kiye h wo boli ki call kar k bataungi. Uske bad Raste me main dim toast kharida. Paisa main dena chahta tha but usne de diya. Lekin bus me main uska kiraya v de diya. Aaj Sanchita ka contact no v mil gya aur Whatsapp no v mil gya. Aur aaj thori-bahut bat v hui whatsapp par.  Jb main bidhan nagar pahucha to Anjani ka dubara msg aya ki propose kar diye use. Main kaha ki ha kar diya hu ab bs sirf uske call k wait h. Aur maine kaha tha na ki jyada nh to thora bar karenge daily. To aap nh man rahe the. Ab dekho aaj v bat ho rahi h apse. Fir bola ki jb wo call karegi aur jo v bolegi main tumko msg kar k bata dunga. To uska reply aya ki jaruri nh h ki roj bat hogi. Agar time milega to hm msg karenge. Agar tum paresan nh hote ho mere msg se to. To main usko reply kiya ki tumko kaun bola ki main tumhara call ya msg se paresan rahta hu. To wo boli ki majak kar rahi thi. Chinta mat karo ha hi bolegi, hmko to esa hi lagta h.

17-January-2017

Roj ki tarah aaj bhi main uth kar Anjani ko good morning msg bheja aur fir uska bhi reply aya. Main aaj office 7 bje hi pahuch kar login kar diya. Qki call 8 bje se aya h aur aise me hme 1 ghante ka fayda ho jata h. Dopahar me break par nikalne k bad dekha ki Anjani ka kuch msg aya tha, jb main uska reply diya to uska call aya. Mere hisab se sayad usne isliye call ki hogi qki usko mere project k bare me janna tha. Aur yahi hua, call karne k bad boli ki mere pas sirf 5 minute time h. Bolo ki kya dream h aapka. To main usko apne dream k bare me bataya aur fir uska opinion manga. To wo boli ki bahut achi soch hai aur jarur pura hoga. Jo apko bolta h ki nh hoga usko khich kar chata maro. Chata marne ka mtlb h ki aap apna dream pura kar k usko dikha do usko khud chata lag jayega. Fir main bola ki meri English weak h kya karu. Wo boli ki koi institute join kar lijiye. Itna kam to karte hi hai ye bhi kar lo. Main bola actually mujhe English samajh me hi nahi ati h. Usne bola ki jb programming jaisi complicate apko smjh me aa gyi to fir ye English kya chij h. Try karo ho jayega. Fir wo boli ki main apse jyada bat nh kar paungi na call me na msg me. Main bola ki q kya problem h. To wo boli ki bahut problem h. Fir boli ki thik h apko v to office jana h aur mujhe v kuch km h. Isliye bad me bat karte h. Main v ok bol k call kat diya. Fir jb sam ko break par nikala to uska msg aya tha ki agar main apko kahu ki aap mujhe paresan karte ho to kya aap mujhe call aur sms karna band kar doge. To main reply diya ki agar aap sach me meri call aur sms se paresan rahte h to band hi karna parega qki aur koi rasta v to nh h. Fir uska reply aya ki apka sms pack kam nh kar raha h aur mere main bal se kat raha h. Aap jara check kar batayenge ki kya problem h. Main loan lekar msg kar rahi hu. Main break par nikalne se phle check kiya tha uska 144 msg tha fir ye problem q ho raha h. To main bola ki thik h check kar 8 bje bataunga. Av main office ja raha hu. Fir main chala gya office. Waha check karne par pata chala ki aaj wo 106 msg ki h. As per TRAI GUIDELINE 100 msg k bad apka sms bal kam nh karta h aur every msg ke liye 0.50 paisa charge lagta h. Office se nikal kar main usko ye bat msg me bataya. To wo boli ki acha to phle batana chahiye tha na main kitna paresan hui aur apka sara hua agent bhi mujhe kuch nh bataya. Main usko bola ki main to already bol chuka hu ki waha call karne se koi fayda nh h agar aap apna time waist karna chahte h to waha call kijiyega. Uske bad uska reply aya ki aap mujhe bahut paresan karte h to aaj se no call no msg ok bye. Main bola ki thik h agar aap mere msg se ya call se paresan h to yahi sahi. Lekin main apko kb aur kis bat k liye kiye paresan.

16-January-2017

Aaj office me itna busy tha ki kisi se bat hi nahi ho payi. Jab dopahar ko break par nikla to Anjani se thora bat ho rahi thi project ko lekar.

Anjani: Kya project hai aapka batao.

Me: Ye janne k liye to apko mujhe call karna parega.

Anjani: Thik h, aaj bat karte h, kb free h

Me: Sam ko msg karunga ko msg kariyega. Aur aapka sms bal kitna bacha h

Anjani: Lekin hm to aaj sam ko 5 baje tak free h, aur sms bal ka tension lene ka jarurat nh h.

Main sam ko break par nikala to dekha ki uska call aya tha. To main msg ki kya iktfak h jb v aap call karte h to main available nh rahta hu. Fir msg kiya ki Aapko already bola na ki kuch v janna hoga to mujhe bataiyega. Call centre me call karke dimag kharab karne ki jarurat nh h. Fir aap meri bat q nh sunte h.

Anjani: Ups, kaise samjhaye apko. pls ab aap msg recharge mat kariyega. Samjhe...........

Me: Lekin q. Problem kya h. Dost k nate itna v nh kar sakte h.

Anjani: nhi, Ye sb hme pasand nh h

Me: Waise aapki photo dekhne ka mn kar raha tha. Agar whatsapp use karti h to dijiye na pls.

Anjani: Agar jrurat hme hoga, toh hum khud hi bol dete h, bas aap n jada hme lekar possitive mat hoeieye.

Me: Dekhiye, main apko sirf friend manta hu, bus. Jyada positive ka matlab nh smjhe.

Anjani: Aap ko dusra kaam nh h kya, jb dekho toh aap hmara no k details nikalte rahte h, Jarurat tha hme, hme apna validity check karna tha, esliey....... Aur ye sb kaam k liye hum aap ko presaan q kre? Aur aap etna gussa q huwe, agr hum cll kr liey toh kya huwa. Positive nh ka matlab........ Adhikaar roop s kisi ko kuch kehna.

Me: Hm kaha gussa h. Acha, baba karo call. Isme itna bharakne wali kya bat h. Acha, aj ap college gye the kya.

Anjani: Aur photo dekh kar kya karna h. Khe to hmara koi whatsup no nhi h, hum nh chlate h

Me: Acha, apka aur apka bf ka title ek hi h ya alag-alag

Anjani: Alag h. Quo

Me: Aaj apka mood itna kharab q h Kisi se jhagra kar k ayi ho kya. Tab to thora problem hoga ghar walo ko manane me. But impossible nh h.

Anjani: Esa q bol rhe h.

Me: aap bat aise kar rahe h, isliye laga ki sayad mood thik nh h. Sahi kaha apne, photo se kya km h. Hm ache friend banna chahte h. Aur acha friend dl se jura hota h, face se nh

Anjani: Thank you for advice. Par hmare parents intercast marriage k ekdam killaf h, es chakar m kafi baat sune h, wo bhi kai baar.  Koi bat nhi,aap thora galatfami k shikaaar ho. Kheir... Gud  nt8 with lovely drms.......   Waise khana kha liey

15-January-2017

Aaj office pahchane se pahle Anjani se bat ho rahi thi msg me. Main kl usse kaha tha ki main 2 baje sota hu aur 4:30 baje jag jata hu. To wo kah rahi thi ki bina soye, how u can manage. Isi tarah se normal bat hui aur main office chala gya. 11:40 me break liya aur didi ko call karke pucha ki mobile kaun sa colour ka lena h. To kahi ki ko v mujhe pasand h wo le lu, fir boli ki gold colour me le lu. Lekin uski bat se aisa laga ki kahna chah rahi ho ki kuch dene to hai nahi bas drama kar raha h. Usse jyada bat nh hua bas colour k bare me puch kar phone cut kar diye. Aaj fir se Safikul ka call aya tha. Lekin main usko call nh kiya aur apne 20 minute idhar-udhar ghum kar dubara office chala gya. Sam ko office se nikalne k bad Anjani ko msg kiya ki main office se nikal gya. Tum kaha ho. Lekin uska koi reply nh aya. Fir main v koi msg nh kiya. Main fir didi ko call kiya bat to usse kafi der hui lagbhag 30-40 minute, Lekin last me kah rahi thi ki mujhe life me ab akela rahna hai. Jaha koi meri problem ko na share kare na mujhe paresan kare. Etc etc..... Lekin mujhe pata h ki aisa nh h dunia me har koi apna problem kisi na kisi k sath jarur share karta h. Chahe wo childhood friend ho, office k friend ho, college friend ho, close friend ho ya fir relative ho. Wo alag bat h ki usko mere se bat nh karna h. Jabki main use bachpan se ek dost ki tarah manta aya hu, uski har ek galti ko dusre se chupata aya hu. Kher, ab usko mujhse bat nh karni h to koi bat nh yahi sahi. Lekin kahi na kahi mujhe ye lagta ki ab usko mobile dekar main galti kar raha hu. Qki main usko mobile isliye nh de raha tha ki wo meri bahan h, balki isliye de raha tha qki wo meri friend h. Aur kafi dino se uska whatsapp chalu nh h to msg me bat nh hota h. Aur isliye hi jab wo mera Samsung ka mobile use kar rahi thi to uska main 200 rupaye ka recharge kar diya tha sirf internet k liye. Lekin ab kosis karunga ki main usko mobile na du aur usko lage ki main dena chahta tha but nh de paya. Qki jab friend hi nh h to fir itna hm q kare. Aur ek bat mobile kharidne wali bat main apni maa se chupa liya lekin wo apni maa ko bata di. Matlab ki hamare bich trust nam ki chij v nh h jo kisi v friendship ka base hota h. Kher, ab is bare me bat karna hi bekar h. Iske bad main ghar aa gaya. Aaj vishal k sath kali-bari mela ghumne ka plan tha lekin fir wo cancel kar diya plan ko. Main rat ko 9 baje tak Anjani ko msg kiya tab jakar uska reply aya aur fir ham rat ko 12:30 baje tak bat kiye. Wo kah rahi thi ki main daily-daily is tarah se msg me bat nh kar paungi. Qki time manage nh kar paungi. To 2-3 din me ek bar msg me bat karungi. Fir uska aircel ka kuch paisa kata tha uska bat kiye. Wo kah rahi thi ki mujhe anjan logo se bat karna pasand nh hai. Lekin tum pahle aisa friend ho jisse main itna bat kar rahi hu msg me. Mujhe lagta h ki mujhe meri friend mil gayi aur ab mujhe didi ki koi jarurat nh h, bhar me jaye wo.

14-January-2017

Aaj subah uthte hi main Anjani ke number ko recharge kiya. Aur fir office chala gaya. Subah 8 baje jab main office me tha to Anjani ka call aya to main kat kar message kiya ki can't talk now. What's up? To 10:21 me uska msg aya ki apko msg pack dalne kon bola, esa q kiye. Ye galat bat hai mujhe ye pasand nahi hai. Fir uska msg aya ki apka paisa laga hoga na. Aap apna idea ka no mujhe do mujhe paisa refund karna hai. Jab main koi reply nh diya to kuch der k bad uska fir reply aya ki aap diye nahi apna idea ka no, mujhe paisa refund karna hai. Main 2 ghante bad jab 4 baje break par nikla to usko msg kiya ki main nh dunga apna idea ka no. Koi jarurat nahi hai paisa refund karne ki. Fir uska reply aya ki jarurat hai. Aapne ye galat kiye hai. Apko ye nahi karna chahiye tha. Hm 1 rupaye ka sms pack apne jarurat ke hisab se recharge karte hai. Qki mere liye ye sab msg type karna acha nh lagta hai. Ap do apna idea ka number mujhe paisa refund karna hai. Fir main bola ki refund ki bat mat kijiye, agar apko problem hai to next time se nahi karunga recharge ab khus. To uska reply aya bahut khush. Thank you. Fir main bola ki aap koi aisa time bataiye jab main apse msg me bat kar saku aur apko koi problem bhi na ho. To uska reply aya ki bat kya karna hai, agar koi jaruri sawal hoga to puch lena. Fir main bola ki Acha, kal tak to aap mujhse bat nahi kar rahe the aur aaj achanak se friendship ko accept kar liye. Kahi mujhe jhuth bol kar mujhe bewakuf to nahi bana rahe hai. To wo boli ki agar sak hai to ja sakte ho. Main bola ki kaha jau. Fir uska reply aya ki agar sak hai to connection break kar sakte ho. Aur ek bat ham kisi ko bewakuf nahi banate hai to mujhe blem mat kijiye. Fir main office chala gaya. 8 baje office se nikalne ke bad usko msg kiya ki apko bura laga to sorry. Mera irada apka dil dukhane ka nahi tha, fir bhi agar meri bato ka bura laga to sorry. Aur av office se nikal gaya to agar apko koi bat karni hai to kah sakte hai. To uska reply aya ki koi bat nahi. Goog night.

ME: Aap av soti hai
         Ok. Good night and sweet dream.

Anjani: Jaruri nahi hai

Me: Q. Ham din bhar jo sochte hai, sapna bhi usi se related ata hai.

Anjani: Kya matlab

Me: jaise ham padhai kar rahe hai to padhai ka sapna ata hai. Kisi se pyar karte hai to usi ka sapna ata hai. Jaise mujhe sapne me apna goal dikhta hai.

Anjani: Kya hai apka goal.

Me: Msg me to nahi bata sakta hu, iske liye apko call karna hoga. Kv time mile to kar lijiyega call.
        Waise ab to ham dost ban gaye hai to kya ham ek dusre k bare me jan sakte hai.

Anjani: Thik hai aap apna koi fixed time bata dena. Agar ham free rahenge to apko call karenge.

Me: Mera jis din chutti rahega to bata dunga. Acha, ap pahli bar mujhse jhuth q bole ki aap 35 sal k h.

Anjani: Pahle hamare dosti k kuch rule hai use pura karne k power h tb dost hoge, wrna sorry. Aur kya janna h aap ko hmare bare m

Me: Thik h bataiye rule. Mujhe sab rule manjur h

Anjani: Taki aap hme paresaan n kre.

Me: Acha, ap mujhse bat karke paresan ho rahe h. To bata dijiye nh karunga msg apko.

Anjani: Trust, Understanding ur mind capability. Kisi kimat par jhuth nhi bolna h. Sachai. Honest. Believe the god

Me: Ye to main chahta hu ki hamari dosti k bich honest ho. Qki jhuth jyada din nh chupta h. Mujhe apka rule manjur h. Lekin last wala smjh nh aya ki believe god.

Anjani: Toh thik h aaj aur abhi s hm sare link break krte h. Ab aap bhi cll or msg mat karna

Iske bad uska msg ana band ho gaya. Main msg karta raha lekin uska reply nh aya. Main msg me use bahut bola ki meri kisi bat ka bura laga to sorry. Pls mujhse dosti mat toro ETC......... 9 msg vejne k bad uska reply aya ki.......

Anjani: Ups aap itna pagal q ho jate h aur hm isliye kahe the qki apne hi kaha tha ki ab msg nh karna h. Aur believe in the god ka matlab h ki bhagwanpar viswas rakhna hoga, sath me apne dosto ka respect karna hoga. Aur koi v alcohal, nsa nhi karna hoga. Aur sach me apke andar daya ka bhawna rkhna hoga. Tabi aap hmare dosti wale group m samil ho sakte h.

Me: Main kya, mere family me koi v kisi chiz ka nasa nh karta h.

Anjani: Ab sach m btauw aapke andar ye sari chize h

Me: Agar apko viswas nh h to akar ap verify kar sakte h

Anjani: Waise aapke family me kon kon h

Me: Main, mere papa, mummy, chacha aur dadaji. Waise aapki sadi ho gayi h na

Iske bad hamne apas me ek dusre k bare me bahut kuch jane. Jaise ki hamare kitne dost h, kya karna acha lagta hai aur kya nahi, GOD par viswas h ya nahi. Agar h to kis par aur agar nh h to q nh h. Uske bad hamne apne bare me ek dusre se opinion share ki. Fir wo mere dream k bare me puchne lagi to main bola ki nahi kv call karogi to bataunga. Usne kaha ki ab bata v do lekin main nh bola.

Anjani: Aaj pata h pahli baar msg k jariye etna baat kiey h, aur etna jada msg type kiye h. Kya such me hmari voice aapko etna acha laga. Comments to bahut mila, lekin aap k jaisa pagal kisi ko hote nhi dekhe h.

Me: Ab kya kare acha lag gaya to.Waise apko av v lagta h ki main apko paresan karta hu.

Anjani: Nahi. Chalo ab thik h, bahut jane ek dusre ko. Aur ha hum lta mangeskr k family se belong  nh karte isliye hmri aawaz k piche etna pagal mat hona. okay. Good nt8 nd take care.

Me: Ham to piche parenge. Qki apko apki awaj ka mol ka pata nh h lekin mujhe malum h. Aur  aap ghar me kab free rahte h aur kya padhai kar rahe h.

Anjani: Bank k teyari krti hu, Ho sake toh B.ed krna h, aur mca m admission lena h. Dekhte h..... Kya hota h, qki bihari family m problem v toh bahut h.

Me: Hmmmm, main Bcom kar raha hu.

Anjani: Kya mol h, zara ham bhi jane. Aap kya soch kar hmari aawaz k piche pare h.

Me: Thik h, ab apko aur paresan nh karunga. Jakar so jao. Good Night.  Mol bahut h mere liye. Aapko bata nh sakta.

Anjani: 22 saal pura kar chuke ho, ab tk bcom m ho q....  Are btau pls.

Me: Qki papa ka exident ho gaya tha. Isliye bich me hi padhai chorna para tha. Aur aap plz q bol rahe h.

Anajni: Av thik to h na apke papa. Kya sare family ka tension apke upar h.

Me: Av papa thik h. Aur av mere papa, mummy aur main alag rahta hu aur chacha aur dadaji alag rahte h. To main aur papa mil kar ghar chalate h.

Uske bad ham so gaye aur is tarah se ye din gujar gaya.

13-January-2017

Aaj subah uth kar main Anjani ko Good Morning msg kiya. Lekin uska koi reply nahi aya. Ayega bhi kaise wo to mujhse bat hi nahi karna chahti hai. Main fir office chala gaya. Office me dopahar ko Anjani ka call aya, lekin main office me tha isliye call receive nahi kar paya. Jab main break se wapas aya to usko 2 bar call kiya lekin wo receive nahi ki. To main usko msg kiya ki jab bat hi nahi karni hai to fir call q kiye the. To fir uska reply aya ki sahi kaha hame na bat karni hai na msg karni hai. Tumhare sath koi v link nahi rakhna chahte hai. Ab sayad tumhare samajh me aa gaya hoga ki main q tumko call ki thi. Sam ko break me nikalne k bad main usko msg kiya ki mujhe pls friend bana lo. It's my request to you. Uske bad uska reply aya ki dekho tum na mujhe msg karoge na call karoge aur aise kisi ko bhi apne life ka part nahi banana chahiye. Uske bad main office chala gaya. Jab office se chutti hui 8 baje to dekha ki ek unknown number se missed call aya tha. Main call kiya to wo apne ap ko Anjani ki sister bata rahi thi. Usse kafi der bat hui, wo kah rahi thi ki aise kisi ko paresan karna thik nahi hai. Aaj mujhe pata chala hai kal ghar me kisi aur ko bhi pata chal jayega to kya hoga. Wo bol rahi thi main apko kuch bol nahi rahi hu bas itna bata rahi hu ki usko call ya msg mat karo. Main bola ki mujhe uski voice achi lagti hai isliye ab usko call nahi karunga but ek akhri sorry msg vejunga, aur usko bolna jab bhi use time mile to mujhe call karti rahe taki mujhe uski voice sunne ko mil sake. To usne kaha ki thik hai main bol dungi. Fir main Anjani ko msg kiya ki sorry mujhe nahi pata tha ki apki itni problem hai. Main dil se sorry bolta hu, lekin mujhe kv-kv call kar liya karna. Fir uska reply aya ki koi bat nahi. Good Night. To main bola ki main rat ko 2 baje sota hu to mere liye av good night nahi hua hai. Aur aaj ke bad apse bat nahi hogi to apna full talk time offer bata do na. Usne bola ki kya karoge offer jankar. Main Bola ki kya main apse msg me bat kar sakta hu. To uska reply aya ki nahi, bahut problem hai. Fir uska hi call aya to main kat ke usko phone kiya. Aur phone pe dabe awaj me wo boli ki ap msg pe msg kiye ja rahe hai. Bura mat maniye lekin problem hai hamari life me bahut. Main bola ki are to apko batana chahiye na msg me, Main msg nahi karta. Waise koi to ek time hoga jab main apse msg me bat kar saku aur apko koi problem na ho. To wo hasne lagi aur boli ki thik hai apko mere touch me rahna hai na. main bola ki ha. To wo boli ki ham apko rakhenge apne touch me. Ab khush. Main bola ki ha ab thik hai. Aur tab jakar hamari dosti hui aur thori bahut bat hone lagi msg me hi.

12-January-2017

Aaj office ka jhamela nahi tha, isliye aram se sokar utha. Jab main fresh hua to uske bad achanak maa ne pucha ki tum new mobile kharid rahe ho na. Main socha ki ye bat maine to maa ki bataya nahi fir maa ko kaise pata chal gaya. Sayad didi ne hi batayi hogi. Lekin fir maa ne khud kah diya ki Guria ne mujhe kuch nahi batayi iske bare me. Lekin maa iske vare me jyada mujhe nahi boli. Sayad isliye qki maa ko bhi pata hai ki main uske liye kuch bhi kar sakta hu. Fresh hokar bal katwane ke liye nikal gaya. Bal katwane ke bad bari muskil se nahaya. Nahane ke bad jab main chat par gaya to didi ko call karta, lekin nahi kiya iske 2 reason hai. Pahla ki aaj uska parlor me chutti hai to wo ghar me hogi. Aur wo kahti hai ki jab wo ghar me ho to main usko call na karu, qki mausi chillati hai. Aur dusra reasin ye hai ki jab ham friend hi nahi hai to kis hak se usko bar bar call karu. To main santi se youtube par mobile repairing ka video dekhne laga. Uske bad wahi khana khaya. Apne kuch dosto ka call aa gaya to usse bat kiya. Ye sab karte-karte 2 baj gaye. Uske bad Main Bank gaya, mujhe kuch paiso ki jarurat thi, lekin aaj Bank bhi band tha. Aaj did se bat nahi kiya isliye dil nahi man raha tha to main uske bola ki jo samsung ka mobile di ho usme pattern kya hai. To wo boli ki abhi tak pattern nahi khole, fir wo pattern batayi. Main usko bola ki main Redmi 3s prime order kar diya hu. Jabki main alredy samsung ka pattern bhi khol chuka tha. Lekin jab main us samay usse bat kar raha tha to koi bhi meri voice sun kar bata sakta tha ki main usse bat nahi karna chahta hu. Fir main ghar aa gaya. Ghar aakar main apne friend se bat kar raha tha tabhi maa ne bola ki Guria ko call kar to. Udhar bat karte-karte didi ka bhi call aa raha tha to main uska call kat ke didi ko call kiya. To didi boli ki us samay kya bol rahe the main nind me thi nahi suni aur mobile ka lock khula. To main bola ki ha lick khul gaya hai. Aur main Redmi 3s Prime order kar diya hu, jabki abhi tak nahi kiya hu. Main us samay bhi murjhayi awaj me bat kar raha tha to usne kaha ki kya hua aise murjhaye voice me q bat kar rahe ho. To main ki nahi kuch nahi. Qki main ab is bare me usse bat hi nahi karna chahta hu. Ab se uske raste alag aur mere raste alag. Ham bhai-bahan hai to bhai bahan roj-roj bate nahi karte hai. To ab main bhi usko tabhi call karunga jab ekdum bahut jaruri kam hoga. Nahi to chote mote kam ke liye usko bolunga nahi aur agar kabhi bolna para to msg kar dunga. Matlab ki ye samjho ki usse ab ekdum kam se kam bat hogi. Jab jaruri hoga to msg kar dunga aur usse bhi jaruri hoga tabhi usko call karunga. Akhir main bhi Insan hu, meri bhi intejar ka koi limit hai. Har kisi ke life me koi close friend hota hai. Kisi ke ghar me koi bachpan ka friend hota hai close friend, to kisi ke ghar me bat-bete close hote hai. Kisi ke ghar me bhabhi aur devar close hote hai kisi ke ghar me maa-beti. Kisi ke ghar me bhai-bhai close hote hai to kisi ke bai-bahan. To kya ho gaya jab main usko close manne lag gaya. Kher ab usko anjan logo se bat karna hi acha lagta hai to yahi sahi. Main kaun hota hota hu uske life me interfare karne wala. Main to uska saga bhai bhi nahi hu. Wo upar man se jitna bhi bol le lekin mujhe nahi lagata ki wo mujhe kabhi apna bhai bhi mani hogi. Aaj mujhe lagta hai ki main kitna akela hu. Aagr mere pas apna saga bhai ya bahan hoti to kitana acha hota. Kher, ab jo ho gaya so ho gaya, lekin ab aur nahi. Ab se ham sirf  mausere bhai- bahan hai aur kuch nahi. Rat ko usko msg kiya ki maa ko q bata di ki main new mobile le raha hu. To uska instant call aya. Lekin main usko msg kar diya ki kal bat karunag. Kuch der ke bad dubara call aya to dubara call ko kat kar msg kar diya ki bola na kal call karunga. Kal main call nahi karunag, dekhte hai ki wo kab mujhe call karti hai. Call karne par main jyada bat to karunga nahi phir bhi agar uska call nahi aya to main bhi call nahi karne karne wala hu. Qki ab main sirf ekdum important bat hogi jo ki uske alawa koi aur solve nahi kar sakta tabhi usse bat karunga, otherwise bahi. Ab av rat ke 1 baj rahe hai main ja raha hu, sone subah 4:30 baje uthna hai office ke liye. Ab kal ka kal dekhne ki kya hota hai.

11-January-2017

Aaj mujhe subah uthne me late ho gaya, isliye office bhi late se pahucha. Aaj 7:30 ke bajay 8 baje office pahucha. Main daily late nahi hota hu isliye office me to mujhe koi kuch nahi bola. Lagbhag 11:20 me mujhe break mila to main didi se thora mobile ke bare me bat kiya ki new mobile lu ya nahi. Pahle to boli ki mat lo, fir boli ki tum sochte hi raho ki le ya nahi. Main kaha ki apka bhi to drama, kahi aisa na ho ki mobile le lu aur aap accept hi na karo. Fir to mera liya hua barbad ho jayega. To wo boli ki ek kam kar agar tujhko nahi kharidna hai to purana mobile hi bhej do. Isi tarah thora der bat karne ke bad main office wapas chala gaya. Jab vreak ke bad office me tha to safikul ka call aya. Lekin jab mujhe dubara break mila 5:30 me to main usko call nahi kiya. Socha ki kal kar lunga. Uski jagah didi ko call kiya. Hamesa ki tarah uski awaj me thora rone jaisa lag raha tha. Jab main reasin pucha to boli ki life me bahut tension hai. Main bola ki kya tension hai. Sara tension to khatm ho gaya hai. Ab na apka bf hai, jo ghar me jhagar hota hai wo bhi sadi ke bad khatm ho jayega. Ha ek problem hai apke ruk ruk kar bolne ki problem. To usko soch-soch kar tension lene se kya fayda hai. To usne kaha ki nahi ye sab koi tension nahi hai. Aur jo ruk-ruk bolne ki problem hai wo to sari life hi jhelni hogi. To main bola ki fir kya tension hai. To wo boli ki sab bat sabhi se sare nahi karna chahiye. Uske bad main usko force nahi kiya. Qki main usko bachpan se friend banane ki kosis kar raha hu, lekin wo mujhko apna friend banane ko taiyar nahi hai. Aur facebook par ek anjan logo se apni life ki sari bate sare karne me usko koi problem nahi hai to main kuch nahi kar sakta hu. Mujhe av v yad hai ki jab uska facebook account hack kiya to usme ek anjan se pahle hi din 500 msg kiye gaye the. Kuch dino ke bad sexy bate bhi hone lagi aur xxx video aur photo bhi sare hone lagi. Main bas ye mobile dene ke bad usse jyada bat nahi karunga. Aur usko ye bat kabhi nahi bataunga ki ab main usse jyada bat nahi karna chahta hu.  Qki uske pas excuse ka bhandar hai. Har bat ka excuse uske pas already rahta hai. To ab se main usko jayad call bhi nahi karunga jyada msg bhi nahi karunga. Raho bhai tum apne life me khus jaise tumko rahna hai. Tumhare liye agar anjan log hi sab kuch hai to yahi sahi. Usse bat karne ke bad main office aa gaya. Aj OT tha to mujhe 9 baje tak rukna tha. 9 baje office se nikalne ke bad ghar ke liye nikla. Train me jab Sodepur tak pahucha to Prdip bhai ka call aya ki maa mujhe khoj rahi hai. To main maa ko call kiya to wo boli ki kaha hai to main kaha ki main to alredy bata hi diya tha ki aaj mujhe late hoga. Uske bad main jab Shyamnagar pahucha to double dim toste liya aur ghar aa gaya. Ghar me main aur maa dono mil kar dim toast khaya. Fir khana khaya aur so gaya. Kal to office se chutti hai. Office me kal chutti cancel karne ke liye bol raha tha lekin kal mujhe bal katwana hai, nahana hai. Isliye mana kar diya.

10-January-2017

Aaj office jane se pahle shyamnagar me hi 4 puri kha liya. Office pahuchne k bad aj call pressure bahut jyada tha isliye mujhe 2:30 baje break mila. Subah 8 baje anjani ka call aya tha lekin main receive nh kar paya. Break me main anjani ko call kiya lekin wo receive nh ki. To fir main didi se thora mobile k bare me bat kiya aur dubara office chala gaya. Sam ko office se chutti k bad main anjani ko call kiya lekin wo receive nh ki. Tab main didi ko call kar liya. Aur ham dono ki bat to kafi lambi hoti hai. To isi bich jab main didi se bat kar raha tha to anjani ka call mujhe 2 bar aya, lekin aj didi man kharab tha isliye main didi se hi bat kiya. Kafi der bat karne k bat usko kuch kam aa gaya to usne kaha ki bad me bat karungi. To main anjani se bat kiya. Hamari kafi der bat hui lekin wo mujhe dosti nahi to nahi ki. Main kafi request kiya lekin wo nahi mani. Aur ab wo mera call receive to dur ki bat hai ab wo mera call ko kat de rahi hai. Kher uske bad main did se dubara mobile ko lekar bat kiya. Bat karte-karte main usse kaha ki mujhe friend q nahi bana rahi ho to usne kaha ki tum mere bhai ho aur hamesa bhai hi rahoge. Main kaha ki main kab ye relation tor raha hu lekin bhai k sath-sath dost bhi to ban sakte hai na. Usne mana kar diya. Kher ghar pahuchne k bad mera maa se jhagara ho gaya. Maa ka kahna hai ki mamani nani ko bahut paresan karti hai to tum ek kam karo hacking karke mamani k account se sara paisa nikal lo, tab un logo ko samajh me ayega. Ab batao ye koi bachcho ka kam hai jo ab ham apsi jhagare k liye ise use karenge. Usko to pata hi nahi ki hacking kya chiz hoti hai. jab maine mana kar diya to mujhse bat karna band kar di hai. Kher iske bad main mobile dukan gaya to usne mobile banaya nahi tha. Mere samne hi mobile banaya aur mobile ko lekar main ghar aa gaya. Jab main didi ko bataya to usne kaha ki order karne ki koi jarurat nahi hai, jab mobile ban hi gaya hai to usi ko use kar lungi. Uske bad main ghar aa gaya. Ab kal anjani ko dubara call karunga, dekhte hai ki wo call receive karti hai ya nahi. Aur didi se bhi puchunga ki mobile new kharidu ya nahi. Aur kal se mera OT bhi hai. Daily subah 7:30 baje jaunga aur rat ko 9 baje chutti hoga. Matlab ki ghar se 5 ya 5:30 baje niklunga aur wapas ghar aunga 11 baje rat ko.

09-January-2017

Aaj subah office pahuchne ke pahle college more me nasta kar liya, uske bad office gaya. Dopahar me lagbhag 11 baje break par nikala aur fir anjani ko call kiya lekin wo call receive nahi ki. To fir main safikul ko call kiya usse kuch der bat kiya, fir main office chala gaya. fir lagbhag 1 baje anjani ka call aya lekin main office me tha to call receive nahi kar paya. Aj OT karna tha isliye 6:30 baje office se nikal kar thorasafikul se bat kiya thora didi se bat kiya aur fir thora anjani se bat kiya. Wo dabe awaj me bat kar rahi thi aur boli ki main apko bad me call back karti hu. usne sam ko 7:30 baje call kiya lekin office me tha isliye call receive nh kar saka. Bad me jab 8 baje office se chutti hua to usko call kiya lekin wo call receive nh kar rahi thi. Kafi der k bad uska msg aya ki mujhe apse koi bat nh karni hai so pls don't call me again. Main bola q aisa mat karo etc... Kafi der msg me bat hone k bad wo boli ki thik hai kal last bar apko call karungi. Lekin ye last time time hoga uske bad na call na sms. Uske bad ghar akar khana khaya thora video dekha dudh piya aur so gaya.

08-January-2017

Aaj subah uthte hi pet me dard jaisa feel ho raha tha. Lekin main office chala gaya. 11 baje ke bad se dard thora-thora aur mahsus hone laga. Main break par gaya 11:55 me. Didi ko call kiya lekin aaj jyada bat nahi hui. Uske bad main maa ko call kiya qki unka call aya tha jab main office me tha. Maa se bat karne ke bad dubara didi ko call kiya aur phone ke bare me bat karne laga ki ab aap ek new mobile hi le lo. yahi acha rahega. Bat karte-karte mujhe thora dard feel ho raha tha to usne pucha ki kya hua to main kaha ki pet me dard ho raha hai to usne kaha ki office me bol kar ghar ke liye nikal ja aur aram kar. Phir main bola ki thik hai aur office chala gaya lekin 2 baje ke bad se dard sahan nahi ho raha tha. Phir bhi main call le raha tha. 3 baje main apne TL ko bol kar not ready laga diya. Usne kaha ki main ye not ready ko login hour me count kar dunga. 4 baje main logout kar ke ghar ke liye nikal gaya. Raste bhar jaldi me tha ki jitna jaldi ho sake ghar pahuchu aur is dard ka koi rasta nikal sake. Ghar aakar sabse pahle latrin gaya aur fir uske bad kuch rahat mila. Latrin se ane ke bad main Samsung ke mobile ko banane ke liye diya. Wo bola ki parso akar le jana. Mobile me shot hai 150 rupaya lagege. Ye bat maine didi ko bataya to wo kahne lagi ki bara jhamela hai is phone me. Main kaha ki isi liye to bol raha hu ki new phone le lo na. To usne kaha ki thik hai order kar dena. Uske bad main ghar aa gaya. Socha ki roj ki tarah aaj bhi blog likh leta hu to blog likhte-likhte mujhe pata nahi kaha se ye idea aya ki jitna bhi number liya hu office se usko call karu. Actually main jab bat karta hu office me customer ke sath to agar koi larki mujhe mil gayi aur agar uska voice acha hai to main uska number likh leta hu bad me call karne ke liye. To aaj mere pas 3 number the jisme se 1 ne to call receive bhi ki aur ham dost bhi ban gaye. Wo boli ki main usko kabhi bhi call kar sakta hu, koi problem nahi hai. Dusre ne to wrong number bol ke kat diya, aur ab call receive nahi kar rahi hai. Aur tisri larki bol rahi hai ki itni rat ko call receive karna allow nahi hai. Isliye dabe awaj me bat kar rahi thi. Main kaha ki apko kal call karunga. Ab pata nahi wo kal call receive karegi ya nahi. Qki aaj jab wo mera call receive nahi kar rahi thi to main usko message kiya ki mera call ek bar receive kijiye please, apko kuch batana hai. Uske bad main call kiya to wo receive to kar li but bol rahi thi itni rat ko mujhe phone par bat karna allow nahi hai to main bola ki thik hai kal call karunga aur call kat diya. Kuch der ke bad uske taraf se call aya aur dabe awaj me bol rahi thi ki kya batana hai bolo, main bola ki ap itna tension q le rahe hai apko kal bata dunga na. To wo jidh karne lagi, ab main kya karta mere pas to usko batane ke liye kuch nahi tha to main bola ki main apki help karna chahta hu. Kya main apse dosti kar sakta hu. To usne kaha ki isse meri kya help hogi. To main kaha ki nahi apka jo balance kaha hai wo refund kar dunga. To usne kaha ki dekhiye main itni bhi garib family se nahi hu. Main bola ki nahi-nahi please aisi bat mat sochiye. Main apko kal call karunga to bataunga qki av to thik se bat bhi nahi ho pa rahi hai. Main ye bhi pucha ki kal call karne se receive to karengi na aap. To usne kaha ki ha karungi. Ab usne kaha to hai ki receive karungi but larkiyo ki bat ka koi bharosa nahi rahta hai. Ab to kal hi pata chalega ki wo call receive karegi ya nahi aur main usko impress karke dosti kar paunga ya nahi.

07-January-2017

Aaj kafi dino ke bad main office time par 7:30 am me pahucha, qki maa ghar me thi. Office me mujhe mera id mil gaya aur usi id se syslem login karna tha, cisco login karna tha. Matlab ki mera sara din bhar me office ka sara kam usi id se karna hoga. Office se first break 10:53 am me mila, ab us samay to didi ko call nahi kar sakte the, qki wo parlar 11 baje ati hai. Aur ate hi paresan karna achi bat nahi hai. To main aise hi idhar-udhar ghum kar wapas chala gaya. Sam jo 4 baje se pahle jab ham log ka logout hone wala tha to hamlog ko OT ke liye bola gaya. Main man gaya aur 5:30 baje dubara break par gaya. Ab main didi ko phone kiya to usne kaha ki main av busy hu sam ko 6 baje phone karna. Piche se TV ka sound aa raha tha to sayad wo tv dekh rahi hogi. Main bola ki sam ko to call nahi kar paunga, to usne kaha ki thik hai bolo kya bolna hai. Lekin main hi phir bola ki rahne do kal bat karunga. To usne kaha ki thik hai aur phir main call kat diya. Main 10 rupaye ka mudhi kharida aur maa ko call kiya qki unka missed call aya tha jab main office main tha. Phir apne dosto ko call kiya qki unka bhi call aya tha jab main office main tha. Uske bad main office chala gaya. Rat ko 8 baje office se nikalne ke bad main ultadanga me roj ki tarah 2 litti khaya. Shyamnagar pahuch kar jab suman ke dukan ke pas aye to mujhe Pincle le kar gaya aur waha se ghughni aur dim toste kharuda. Mujhe gussa aya qki wo to av kuch kam nahi karta hai aur main aj subah 5 baje ghar se nikla tha aur av 10:30 baje tum Pincle le kar aya. Av mujhe ghar jakar khana kha kar sona hai, sath me kuch youtube video bhi dekhni hai. Kher main ghar aa gaya. Aur kuch youtube video dekha, khana khaya, dudh piya aur so gaya.

06-January-2017

Aaj main jab neend se utha to 7 baj raha tha, office pahucha to 9:30 baj gaya. Uske bad mujhe manager ke pas le jaya gaya, waha bola ki bhai tum roj roj late q karte ho. Main bola ki ab nahi hoga. Thora bahas ke bad main login kiya. Sam ko 5 baje office se nikalne ke bad direct sealdah Big Bazaar gaya. Raste me bas par didi se kafi der bat hui, is bich ham dono mil kar plan bhi banaye ki kaise new phone didi ko gift kiya jaye aur kisi ko pata bhi na chale. Didi se lagbhag main 30 minute bat kiya hunga. Uske bad bhabhi (Sunil bhaiya ki wife) ka phone aya, unse jyada bat nahi hui lekin unhone kaha ki Pradip mujhe kahte hai ki wo unse kuch bhi bat nahi chupate hai. Aur unko bhi kahte kuch nahi chupane ko. Lekin Bhabhi kah rah rahi thi ki aisa kaise possible hai. Har kisi ke life me kuch aisi bat hoti hai jo koi bhi kisi se nahi batata hai. Main bhi ha kah diya. Qki main manta hu ki close friend use banao jo sach me apse close friend jaisa rahta ho. Ab Pradip bhaiya rahte hai Kolkata me aur Bhabhi rahti hai Mumbai me, to unko close friend bana kar koi fayda nahi hai. Kher ye to apni apni soch hai. Mere liye to mera ab tak ka sabse acha friend Guria hi hai. Aur ham kafi had tak apas me koi bhi bat nahi chupate hai. Bhaiya aur bhaiya ke bich kya bat hoti hai wo to mujhe nahi pata lekin sayad mujhe aisa lagta hai ki bhaiya aur bhabhi waise close friend nahi honge jaise ki main aur didi hai. Qki sirf apas me non-vej bat kar lene se koi close friend nahi ban jata hai, non-vej bate to ham apne dosto ke sath bhi kar lete hai to kya wo hamari close friend ke list ayenge. Kher ye to ab unki soch hai, qki aaj-kal waise bhi unke aur mere vichar nahi milta hai. Mere hisab se close friend ke bich bhale hi non-vej bat na ho lekin agar ek-dusre se pucha jaye to wo bina doubt ke ek-dusre ke life ki sari bato ko bata sake. Qki unko ek-dusre ke life ki sari bate pata hoti hai. Aur un dono ke bich kafi viswas bhi hona chahiye. Didi mujh par kitna bharosa karti hai mujhe nahi pata lekin main didi par pura bharosa karta hu, aur main dil se uske apni close friend man kar apne life ki sari bate sare karta hu. Kya pata ki future me wo bhi mujhse apni life ki bate sare karne lage. Kher, ab main Big Bazaar gaya to Shopping to achi khasi ho gayi lekin fir saman lane me hamari halat gharab ho gayi. Jaise taise kar ke ham saman lekar sealdah station aye. Uske bad Shyamnagar station se ek ven kiye, jo 30 rupaye me hame mazaumdar doctor ke chamber ke pas wali kali mandir ke pas chor diya. Uske bad maa ghar gayi aur papa ko veje. Uske bad papa akar hamari bojh utha kar le gaye. Tab jakar hame rahat mili. Ab jaldi se so jate hai qki kal agar time par office nahi gaya to bahut problem ho sakta hai.

05-January-2017

Aaj mausi ke ghar me hi uth kar naha dho kar baitha tha. Dopahar me khana khane ke bad lagbhag 3 baje ham Pailan mandir ghumne ke liye nikal gaye. Waha mandir kafi achi bani hui thi lekin photo lene nahi de raha tha. Mujhe samajh nahi ata hai ki photo lene se kya problem ho jati hai. Kya ham unke mandir ko kha jayenge ya unka naksa bana kar unke jaisa koi dusra mandir bana denge. Agar koi atankvadi attack karega bhi to uske kisi photo ki jarurat nahi paregi. Ye totally publick ko paresan karna hai. Mandir dekhne ke bad maa ne kaha ki kuch khilao to main mausi ke liye jhal muri liya, fir main apke liye, didi ke liye aur maa ke liye fuchka kharida fir ghugni kharida. Uske bad ham ghar aa gaye. Raste me Sunil baiya ke whatsapp par message kar raha tha to koi reply nahi aya. Main kafi sari message kar raha tha to whatsapp par call aya main receive kiya to yr kya call par bhabhi thi. Thori der hamari bat hui, fir didi ne bhi unse bat ki. Ghar jakar didi ne kaha ki main aaj padhane nahi jaungi tu aaj ruk ja. Lekin main nahi ruka qki mujhe kal office jana tha. Aur fir main ghar aa gaya.

04-January-2017

Aaj office 8:30 baje pahucha. Dopahar me office se nikalkar socha ki chow khau. Kya chow banaya tha ekdum bekar, souce bhi nahi diya aur dam bhi jayada. Vej chow 25 rupaya. Office se 5 baje nikalkar main bidhannagar gaya, waha se Sealdah ke liye nikal gaya. Sealdah se 3d pakar ke Chowrasta chala gaya, waha akashi fool kharaida, Sprite kharida aur fir auto pakar ke Sarsuna chala gaya. Waha se paidal mausi ke ghar gaya. Rat ko lagbhag 9 baje Guria ke ghar main pahucha. Uske bad 9:30 pm me didi bhi aa gayi to hamne Sprite khola aur sabhi mil ke usko piye. Bad me bhaiya bhi aa gaye aur fir ham rat ko 11 baje khana khaye. Rat ko 12 baje Bhai ne Bhabhi (Sunil bhaiya ki wife) ko call kiya. Unke bich kafi der bat ho rahi thi sath me main bhi bat kar raha tha. Lekin unke bich kafi non-vej bat ho rahi thi. Sabhi bate double meaning me ho rahi thi. Mujhe viswas hi nahi hua, qki jise log itna sarif mante hai wo kaise aisa bat kar sakte hai. Aur jo bhi mere samne bat hua wo kam tha, qki bhabhi bar-bar kah rahi thi ki jab aap akele rahoge to aapko bolungi. Fir jab call kat ke dubara call hua to fir kah rahi thi ki Dipu bagal me hi hai to usne call ki sound ko kam kar diya, lekin ab to apko pata hi hai ki main in sab mamlo me kitna expert hu. Main jyada kuch to nahi sun paya lekin bas itna sun paya ki bhabhi kah rahi thi bhaiya se ki Aapka chehra hi aankhon ke samne ghum raha hai. Aap aa jao na yaha qki Sunil bhaiya business ke kam se 2-3 dino ke liye bahar gaye hue the. To bhai ne kaha ki koi fayda nahi hoga, qki jab tak main aunga tab tak Sunil bhaiya wapas laut ayenge. Uske bad main so gaya, qki main sirf usi ke life me interfare karta hu jo mere dil ke kafi karib hai. Lekin  us din ke bat se itna to pata chal gaya ki is dunia me sayad hi koi asliyat me sarif hoga. Qki unke bich bat kuch aise ho rahi thi

Bhabhi:- Sadi kab karenge.
Bhai:- Are uske liye experience ki jarurat paregi. Aap ke pas to 12 sal ka experience hai sare karo.
Bhabhi:- Ab yaha ayenge tab na sare karungi apna experience.

Iske alawa muh me dalne wali bat hui aur bhi kafi sari non-vej bat ho rahi thi un dono ke bich.

03-January-2017

Aaj subah na maa thi na papa the to mujhe neend se uthne me 7 baje gaye, jabki mujhe 7 baje office jana hota hai. To main apne trainer ko call karke bataya ki mujhe aane me 9 baj jayenge to unhone kaha ki thik hai aa jao. To main uth kar fresh hokar office ke liye nikal gaya. Tab tak papa v mill se aa gaye the. Jab main collage more gaya to mujhe idea aya ki main to already late hu to mujhe to break dega nahi to main office jane se pahle wahi nasta kar liya. Aur lagbhag 9:30 me office gaya. Aur jaisa socha tha waisa hi hua break nahi mila. Jab hamlog 2 baje logout karke training room me ja rahe the to hame break mila, jisme maine maa se bat kiya. Aur Jab Guria ko call kiya to usne kat diya, mujhe laga ki busy hogi, so maine dubara call nahi kiya. Jab ham break se wapas training room me aa gaya to Guria ka call aya lekin main receive nahi kiya. Office se nikalne ke bad usko call kiya aur kafi der usse bat hui. Usse kal ke jhagre ke bare me v pucha to usne bola ki ha jhagra khatm ho gaya hai. Fir jab main ultadanga station pahucha to usne call kiya ki moviescounter.com se Dangal movie kaise download kare, to us samay bhi kafi der hamari bat hui lekin movie download nahi hui. Uske bad main 3 Litti khaya, aur ghar aa gaya. Aur aaj main soch raha hu ki main sounga hi nahi. Qki aaj last  training tha hamlog ka. kal se hamlog ka operation me day 1 hai. Aur agar time parf nahi pahuch paya to Login hour complete nahi kar paunga. Aur agar login hour complete nahi hua to mujhe chorega nahi aur mujhe Didi ke yaha jane me late hoga. Aur kal uske ghar jakar usko movie dena bhi hai aur batana bhi hai ki moviescounter.com se koi movie kaise download karte hai.

02-January-2017

Aaj roj ki tarah subah uth kar main office gaya. aur kal rat ko maine jo ethickal hacking cource ke liye technical sagar ko 299 online pay kiye usko download kiya. Office pahuchne ke bad 10 baje breack mila to main cake kha liya. 2 baje jab break mila to didi ko call kiya, lagbhag main 5-6 minute bat kiya lekin uske taraf se sirf hmmm, hmmm response aa raha tha. Puchne par boli ki nind aa rahi hai, to main bola ki thik hai bad me bat karunga. 5 baje jab office se nikala to maa ko call kiya. Maa se 13 minute bat hua to usi me pata chala ki kal Guria ka bhai aur mausi se jhagra ho gaya tha, jiske karan uska mood upset hai. kal rat ko mausi ke ghar sab so gaye the lekin Guria kafi der tak roti rahi. Uske bad main call ko kat kar Guria ko call lagaya aur jab pucha kal ke ghagre ke bare me to bolne lagi ko kaun bola, is bare me. Main bola ki maa boli hai. To wo bhi pura story batai aur rone lagi. Tab pata chala ki dopahar ko thik se bat q nahi ki mujhse. Wo bol rahi thi ki ab se bhai ka mobile kabhi nahi chuyenge aur maa ke matlab ki mausi ke sath kabhi kahi nahi jayegi. Main samjhane ki kosis ki in sab bato ko dil par mat lo. Aur bachpan se ab tak sah li ho to aur kuch din sah lo, qki sadi ke bad to hamlog tumhe parensan nahi kar sakte hai. Mujhe uska rona acha nahi lagata hai. Main usse 15 minute bat kiya phir wo boli ki bad me bat karungi. Uske bad shyamnagar aakar main paratha kha kar suman ke dukan me 4 rasgulla khakar ghar aa gaya. Aur av OMG movie download kar raha hu. Main kal Guria ko dubara call karunga aur kosis karunga ki uski mood ko thik kar pau. Qki daily agar main kisi se bat karta hu call par to wo hai Guria. Aur agar uska hi mood kharab rahe to roj ghanto call par kisse bat karunga. Aur iske sath hi jab main wednesday ko uske ghar jaunga to bhi jitna ho sake mamle ko solve karne ki kosis karunga.

01-January-2017

Aaj Naya sal hai. Whatsapp aur facebook par bhar-bhar ke new year ki msg aa rahi hai. Main bhi didi ko msg bheja, uske pas av smart phone to nahi h isliye uske simple featured phone me hi kuch msg bheja us samay raat ke 12 baj rahe the. To uska call aya aur hamne call par ek dusre ko new year wish kiya aur wo boli ki maine isliye call kiya qki main tumhara msg accept kar li hu. Uske bad main so gaya. Subah uth kar office ke liye nikal gaya to raste me didi ka call aya aur boli ki puchne ke liye call kiye the ki neend se uthe ya nh. Office jane ke bad usko 10:30 me call kiya aur bola ki kya tum mera friend banogi to usne kaha ki main av busy hu. Main v force nh kiya qki wo ghar me hi thi. Main socha ki kal jab wo parlar me hogi tab bat kar lenge. Uske bad sam ke 4 baje usko call kiya qki mujhe maa se bat karni thi but usne call kat diya, mujhe laga ki busy hogi. Lekin 7 baje call karne se pata chala ki call galti se kat gaya. Iske bad main 9 baje usko call kiya aur kaha ki kya tum thrusday ko mere sath chalogi mandir. To usne kaha ki kafi thak gayi hu, aur ek hi mandir ko kitni bar dekhe, so tum log chale jana. Mere kafi request karne par boli ki thik h tum aao tab sochenge. Aur ye bhi boli ki ye samsung ka mobile jaldi se thik karwao mujhe use karna hai. Uske bad hamari bat khatam hui. Ab main kal ke bare me soch raha tha ki friendship dono ke sahmati se hota hai. Agar usko pasand nahi hai to force karna thik nahi rahega, isliye ab usko is bat ke liye force nahi karunga. Lekin ab kal ka kal sochenge.